هو احنا ليه بنقرأ سورة الكهف وبنقول عشان فتنة المسيح الدجال؟!!!
طب هي اى علاقتها اصلا بالمسيح الدجال
واشمعنا هي بالذات من وسط سور القرآن
عمرك سألت نفسك السؤال ده ؟!
هي دى مشكلتنا
ان معظمنا حافظين مش فاهمين
بصوا مبدئيا كده المسيح الدجال ربنا هيبعته فتنه لينا
طيب.....فتنه ف اى ؟!!
ف اربع حاجات
1-فتنه ف الدين
2-فتنه ف المال
3-فتنه ف العلم
4فتنه ف الجاه
وهما دوول بالضبط الامراض القلبيه اللى عندنا للاسف عشان كده ربنا بعتلنا الفتنه فيهم (ليميز الله الخبيث من الطيب)
هنربط الاربع فتن اللى فوق دول بالاربع قصص اللى ف سورة الكهف
(1) اول قصه ف سورة الكهف : قصة اصحاب الكهف
تمام
طيب دى بتتكلم عن فتنة الدين
هتقولى ليه... هقولك لان لما اصحاب الكهف ملقوش غيرهم بس ف المدينه بيعبد ربنا والباقى كله بيعبد الأصنام خافوا ليفتنوا ف دينهم وقالو هندخل مكان لوحدنا عشان منتأثرش بيهم
طيب السؤال هنا بقي
ازااى ننجو من الفتنه دى !!!
مش انا اللى هقولك ازاى ده ربنا بنفسه هو اللى بيقولك ازاى بعد القصه ع طوول
ربنا بيقولك
(واصبر نفسك مع الذين يدعون ربهم بالغداوة والعشي يريدون وجهه ولاتعد عيناك عنهم تريد زينة الحياة الدنيا)
ارمى نفسك ف الصحبه الصالحه واصبر معاهم على الحق وان شاء الله ربنا مش هيخذلك ابداا
(2) قصة صاحب الجنه
طيب دى فتنة اى
فتنة الماال للاسف كلنا واقعين فيها
عارف يعنى ايه فتنة المال..... مش شرط تكون غني عشان تفتن ف المال...... لا خالص
ده انت مجرد ان لو جالك فلوس وفرحت اوووي يبقي انت كده فتنت ف مالك ولو مجلكش ف زعلت وحزنت يبقي انت كده برضو فتنت ف مالك
عشان متفتنش عارف يحصل اي !!
تيجى الفلوس متجييش عادى جدا ولا تفرح ولا تزعل
طيب اى الحل بتاع الفتنه دى
الحل بتاعها هو معرفة حقيقة الدنياا والتفكير فيها
ايووه فكر دايما وقول لنفسك ان الدنيا دى فانيه وانك مش هتاخد اى حاجه معاك غير عملك وبس
نيجى للقصه رقم 3
(3) قصة سيدنا موسي والخضر
طيب دى فتنة العلم يا جمااعه
ان حد بقي عنده علم واول ما عرف كام حاجه كده بدأ يتكبر بقي ويشوف نفسه وكده
طيب علاجها اى!!!
علاجها التواااضع....
طيب نيجى لرقم 4
(4) قصة ذي القرنين
اللى كان رئيس العاااالم كله وكان بيسااعد الناس وواقف معاهم يبنى ويقول(ءاتونى زبر الحديد)
طيب اللى عايز ينجو من فتنة الجااه ده يعمل اى
ربنا برضو كاتبلك الحل
(ثم اتبع سببا) ....تاخد بالاسباب دايما وبرضو تكون متواضع
ربنا يعذناا من كل هذه الفتن ............
عرفت ليه بنقرأ سورة الكهف وبيقولولنا ان عشان المسيح الدجال
عشان ربنا كاتبلنا فتنتهم وكمان حلولها عشان نمشي عليها وربنا يعافينا منها يارب
No comments:
Post a Comment